Schröder Show Sextett - die Showband aus Franken

23.03.2007

Unser Mann in New York Teil 2

Hier ist eines!!

Aufgenommen auf dem Rockefeller Plaza Observation Deck, 67. Stock mit Blick auf das Empire State Building.

Marec

22.03.2007

Was zu viel is, des is zu viel!

Ich soogs gleich vorweg; wer a bissla zard besaitet is, der soll edz ned weiderlesn. Es gehd nämlich ummen Abbord. Seider noch doo? Also gud. Dasses heudzudooch auf der Ärberd immer schneller gehn muß, das alles zamgfassd und razionalisierd werd, des wissma ja midlerweiln alle. Man kanns aber aa überdreim - so wie ichs heud - und des is kaa Gschmarr - selber erlebd hab. Ich bin also bei der Ärbad, da merg ich, wie die fünf Bier von gesdern oomnd oofanga in meiner Därm zu rumorn. Also, nigs wie aufn "Dreizylinder". (Für die, die ned beim Bund worn: a Dreizylinder is a Abbord mid eben drei Kabinen nebenanander). Und wie ich so schö doohögg, nochad höri nebn mir scho die negsde Dür aufgehn. Am Abbord bisd hald nie ganz allaans. Geräuschvoll lässd sich der Nachbar nieder und machd, was ma da hald ebn machd. Brauch ma ned drüber zu redn. Edz aber kommds! Ich hör nebenan a Babier raschln - aber ka Klobabier sondern a Brodzeidbabier. So was erkennd ma als erfahrener Brodzeider scho am Raschln. Und im negsdn Momend hör ich mein Nachbar aa scho laudschdarg schmadzn. Ehrlich! Ka Gschmarr! Höggd am Abbord und und lässd undn naus wassa obn grod neifudderd. Naa, Leud, naa! So gehds doch ned! Bei allem Verschdändnis fürs Gschäfd, und dass hald alles a bissla schneller gehn muß in dera hegdischn Zeid, aber des is einfach zuviel verlangd. Wo bleibdn da die menschliche Würde? A bissla mehra Zeid müssns uns aa auf der Ärberd lassn. Brodzeid is Brodzeid und Klozeid is Klozeid. In dem Sinne, an Gudn. Oier Caesar.